Bues i mewn cyfarfod o un o is-bwyllgorau’r Cyngor Tref heno. Roedd yn ofynnol imi fod yno i ddweud y gwir gan taw fi oedd yn cadeirio. Cyfarfod o’r is-bwyllgor Pwrpasau Cyffredinol oedd hwn. Doedd dim rhyw lawer i’w drafod na llawer i’w benderfynu, ond fe lwyddon ni i lenwi awr.
Yr hyn y buom [...]
Mae wedi bod yn wythnos arbennig iawn oherwydd fod Liesbeth, fy ffrind o Fflandrys, wedi bod yn aros yn Aberystwyth ar ei gwyliau ers dydd Sul gan adael fore heddiw ar y trên i Gaerdydd. Fe wnes i gyfarfod gyda hi ryw dair blynedd yn ôl pan fues i am wyliau ym Mrwsel am dair [...]
Roedd dydd Sul yn ddiwrnod arbennig yn Aberystwyth, sef Sul y Maer. Fel arfer bydd hyn yn digwydd fis Mai neu Fehefin, ond oherwydd ‘amgylchiadau’ roedd yn rhaid i’r dathliad gael ei ganslo. Yn y diwedd fe wnaeth y Cyng Sue Jones-Davies gael ei dewis i fod yn faer Aberystwyth am y flwyddyn 2008-09 ac [...]
Heno fe fues i mewn cyfarfod o Siambr Fasnach Aberystwyth. Roeddwn i wedi cael gwahoddiad yno fel cynghorydd tref oherwydd fod Cyngor Sir Ceredigion wedi mabwysiadu rheoliadau ar gyfer rheoli dodrefn stryd yn unol ag adran 137 Deddf Priffyrdd 1980 (c.66) yn gwahardd atalfeydd ar briffyrdd (sy’n cynnwys palmentydd) a Deddf Llywodraeth Leol (Darpariaethau Amrywiol) [...]
Roedd heno’n noson brysur arall. Roedd dau isetholiad yn cael eu cynnal ar gyfer Cyngor Tref Aberystwyth – un yn ward Rhediol, a’r llall ym Mhenparcau. Roedd un wedi’i achosi gan ymddiswyddiad un o gynghorwyr y Democratiaid Rhyddfrydol, a’r llall yn dilyn marwolaeth aelod annibynnol. Roedd y gorsafoedd ar agor tan 10.00pm ac wedyn roedd [...]
Mae bod yn gynghorydd tref yn medru newid persbectif dyn ar fywyd. Os oeddwn i’n arfer bod yn un oedd yn cerdded o gwmpas yn edrych lan dwi’n ofni bod fy llygaid wedi eu troi tuag at i lawr yn aml iawn bellach. Does gen i fel cynghorydd dim rheolaeth o gwbwl dros yr haul, [...]
Cafodd Sue Jones-Davies ei hethol yn faer Aberystwyth heno, yn dilyn wythnosau o ansicrwydd. Nid dim ond yn San Steffan neu ym Mae Caerdydd mae ‘na bethau cyffrous yn digwydd. Heno yr oedd Cyngor Tref Aberystwyth yn gorfod trafod y tro diweddaraf ym mywyd gwleidyddol y dref wythnos ers i Lorrae Jones-Southgate ymddiswyddo fel maer.
Yn [...]
Dwi wedi llenwi’r ffurflenni perthnasol, dwi wedi gwneud y datganiad gorfodol ar lafar ac yng nghlyw y clerc, ac felly o’r diwedd rydw i’n aelod o Gyngor Tref Aberystwyth.
Heno y cynhaliwyd y cyfarfod cyntaf o’r cyngor newydd gyda rhyw hanner ohonom ni yn gynghorwyr newydd yn ceisio’n gorau i ddeall beth oedd yn digwydd. [...]
Diolch yn fawr i bob un ohonoch chi am eich dymuniadau da ar gael fy ethol yn gynghorydd tref yn Aberystwyth. Dwi wedi cael gwybod fod cyfarfod cyntaf y cyngor llawn nos Wener 9 Mai am 6.30am, ond bod gofyn mynd yn gynnar er mwyn tyngu llw (fel yn y Cynulliad Cenedlaethol!). Mae sawl un [...]
Mae trannoeth y bleidlais wastad yn ddiwrnod cymysg iawn. Ar un llaw mae dyn yn cael gwybod beth oedd canlyniadau’r etholiadau, does dim dyfalu na phoeni am bwy fydd yn ennill neu golli bellach, ac mae hynny’n reit dda. Wrth gwrs, os yw’r canlyniadau yn mynd yn eich erbyn mae’r diwrnod yn un digon diflas. [...]
Mae’r gorsafoedd pleidleisio wedi cau ac mae pawb yn disgwyl am y cyfri a’r canlyniadau. Bues i y tu fas i orsaf bleidleisio ward Canol Aberystwyth am y rhan fwyaf o’r dydd, ond gyda’r nos bues i mewn gwasanaeth ar gyfer Dydd Iau’r Dyrchafael.
Dwi ddim yn gwybod faint sydd wedi bod yn pleidleisio yn gyffredinol, [...]
Wel mae’r cyfan drosodd heno, heblaw am y bleidlais yfory. Dwi wedi bod yn brysur dros y tri diwrnod diwethaf yn dosbarthu taflenni o gwmpas y ward lle dwi’n sefyll yn Aberystwyth, y ward ganol. Unwaith eto dwi wedi dod ar draws rhai pobol sydd yn dweud eu bod nhw am bleidleisio i Blaid Cymru [...]
Dwi wedi fy nghofrestru ar gyfer derbyn pleidlais drwy’r post ar gyfer pob etholiad a heddiw pan ddes i ‘nôl o’r gwaith roedd papurau pleidleisio etholiadau Cyngor Sir Ceredigion a Chyngor Tref Aberystwyth yn fy nisgwyl. Doedd e ddim yn waith anodd iawn penderfynu i bwy i bleidleisio, ond roedd dilyn y cyfarwyddiadau ynglŷn â [...]
Pan ddes i nôl adref o’r gwaith heddiw roedd ‘na lythyr oddi wrth y Post Brenhinol yn fy nisgwyl. Dwi ddim yn derbyn llythyron oddi wrth y Post Brenhinol felly roeddwn i’n eiddgar i wybod beth oedd ganddynt ddweud. Nid llythyr yn dymuno’n dda imi yn fy ymgyrch etholiadol oedd hwn, ond yn hytrach newyddion [...]
Bues i mas ar y stwmp unwaith eto heno. Dyma’r drydedd noson imi fynd o ddrws i ddrws yn ward ganol Aberystwyth fel rhan o’m hymgyrch i gael fy ethol i Gyngor Tref Aberystwyth. Heno fe fues i galw mewn tai ym Morfa Mawr, Stryd y Baddon, Stryd y Gorfforaeth, Rhes Crynfryn, Tai Crynfryn [...]
Fel ymgeisydd yn yr etholiadau lleol fe dderbyniais holiadur oddi wrth Fenter Trefi Trawsnewid Aberystwyth. Roeddwn i’n meddwl y buasai’n o ddiddordeb i ddarllenwyr y blog beth oedd fy ymateb i’w cwestiynau.
Annwyl Ymgeisydd
Rydym ni, Menter Trefi Trawsnewid Aberystwyth yn ysgrifennu atoch chi fel ymgeisydd yn yr etholiadau llywodraeth leol i ganfod lefel eich dealltwriaeth ac [...]
Dwi’n dod ‘nôl i weld bod cynnwrf yr etholiad wedi chwythu trwy Aberystwyth. Chwythodd yn ddigon cryf i dynnu’r Torïaid allan ar y stryd fore Sadwrn. Wrth gwrs myfyrwyr oedden nhw i gyd o’r hyn y gallwn i ei weld. Dyw gweld y Torïaid o gwmpas unwaith eto ddim yn newyddion da i’r Dem Rhyddiaid [...]
Dwi wedi dychwelyd o Frwsel ers sawl diwrnod, ond heb gael amser i daro bys ar fysell ac ysgrifennu pwt ar gyfer y blog. Y prif reswm am hynny yw fy mod wedi dod yn ôl i ganol y frwydr etholiadol yn ward ganol Cyngor Tref Aberystwyth.
Heno fe fues i mas yn canfasio ac yn [...]
Gan fy mod i’n mynd i ffwrdd am ychydig ddyddiau roedd yn rhaid imi gael pethau’n barod ar gyfer yr etholiad cyn mynd. Felly dros y ddau neu dri diwrnod diwethaf dwi wedi bod yn paratoi taflenni ar gyfer ymgeiswyr Plaid Cymru ar gyfer Cyngor Tref Aberystwyth. Mae pump ward yn Aberystwyth ac mae ‘na [...]
Efallai yr hoffet ti wybod beth yw’r newyddion gwleidyddol diweddaraf o dref Aberystwyth. Mae’r enwebiadau wedi cau ar gyfer etholiadau’r Cyngor Tref a dwi’n gwybod nawr pwy fydd fy ngwrthwynebwyr yn yr etholiad ar 1 Mai 2008. Rydw i’n ymgyrchu ar y cyd gydag un ymgeisydd arall o Blaid Cymru yn erbyn pedwar ymgeisydd o [...]
