Comments for Blog Dogfael

Comment on Baner ‘anaddas’ yr Alban by Mair

Mair — Tue, 30 Jun 2009 18:40:54 +0000

Digon prin oedd baner yr Alban ar Gwrt Canol SW19 i’w weld neithiwr hefyd, a chefnogwyr honedig yr Albanwr Andy Murray, yn dewis chwifio Jac yr Undeb yn ei lle.

Comment on Y Parchedig Bill Roberts yng Nghymru by Emma Reese

Emma Reese — Thu, 25 Jun 2009 14:01:21 +0000

Ces i gyfle i gyfarfod y dyn annwyl ar Gwrs Cymraeg Madog yn Iowa’r llynedd, ond doedd gen i ddim syniad mai rhithor oedd o!

Comment on Cofio Thatcher by Dafydd

Dafydd — Wed, 24 Jun 2009 23:35:26 +0000

Berig y bydd yr hen Fagi wedi’n gadael ni cyn i Ddogfael wneud ei sylw nesa’ …

Comment on Un cam yn rhy bell by Einion

Einion — Sun, 07 Jun 2009 18:56:31 +0000

Dwi’n teimlo trueni dros Gordon Brown, dyw e ddim wedi lladd neb, dyw e ddim wedi arwain ei wlad i ryfel anghyfreithlon. Mae’r wlad wedi mynd i sterics am gostau aelodau seneddol, ond mae’n llawer gwell eu bod yn cael eu talu nac ddim. Pan nad oedd tal am fod yn aelod seneddol, dim ond y bobl oedd yn gallu fforddio oedd yn y senedd, roedd gafael y cyfoethogion ar rym yn llawer cryfach nad yw nawr hyd yn oed.
Dim gormod o Schadenfreude gen i felly.
(Ond wedyn dwi’n cofio am ei awgrymiadau Brown “ddydd prydeinig”, a’i gefnogaeth i dim pel droed prydain, ydy, mae e’n haeddu colli).

Comment on Pam? by Dogfael

Dogfael — Sat, 06 Jun 2009 22:00:46 +0000

Diolch i chi Enw ac Emma am eich cefnogaeth a’ch geiriau caredig. Dwi’n cael llawer o bleser o ysgrifennu fy mlog ond roedd gweld rhywun jyst yn ceisio dinistrio rhywbeth dim ond er mwyn pleser yn hytrach na cheisio gwneud rhyw bwynt yn fy nhristáu.

Comment on Pam? by Emma Reese

Emma Reese — Sat, 06 Jun 2009 21:40:50 +0000

Mae’n ofnadwy bod ‘na rai sy’n mwynhau achosi problemau i’r bobl eraill. Fasai’r tramgwyddwyr yn medru gwneud llawer o ddaioni tasen nhw isio achos mai pobl beniog ydyn nhw i gyd.

Gobeithio fod ti’n cofio bod ‘na nifer mawr o bobl sy’n mwynhau darllen dy flog. Fel un o’r dysgwyr, gad i mi ddweud mod i wedi dysgu cymaint drwy ddarllen dy flog di.

Comment on Pam? by Enw

Enw — Sat, 06 Jun 2009 17:11:42 +0000

Mae’n ddrwg gen i glywed am dy drafferthion, Dogfael – dyma air i ddweud faint rydw i’n mwynhau’r blog. Mae ei ddarllen yn mynd â dyn i rywle pur anghyffredin y dyddiau hyn – lle mae caredigrwydd, chwilfrydedd, ehangder meddwl a goddefgarwch yn teyrnasu. Does dim byd cas ym myd blog Dogfael ac mae meddwl am bobl yn ymateb i’r fath sgrifennu â malais a chenfigen yn fy nigio a’m tristau yn arw.

Comment on Etholiadau Ewropeaidd 2009 by Wini

Wini — Fri, 05 Jun 2009 16:16:37 +0000

Glenys Kinnock wedi cael sedd gyda’r Arglwyddi – dyna chi deulu sy’n gwbod sut i edrych ar ^ol ei hun.

Comment on Tŷ Bernarda Alba by Dogfael

Dogfael — Fri, 22 May 2009 18:40:15 +0000

Diolch am y sylw Ceri. Dwi’n cytuno’n llwyr gyda ti. Byddai’n dda iawn cael gweld cyhoeddi’r cyfieithiad. Rhyw ychydig flynyddoedd yn ôl fe gyhoeddwyd fersiwn ddrama o Gysgod y Cryman i gyd-fynd gyda pherfformiad o ddrama. Dwi’n bendant fod Tŷ Bernarda Alba yn haeddu’r un driniaeth. Roedd y perfformiad yn wych a’r themâu yn berthnasol iawn o hyd, gwaetha’r modd.

Comment on Tŷ Bernarda Alba by ceri wyn

ceri wyn — Fri, 22 May 2009 15:44:09 +0000

Hei Dogfael. Ti ddim yn digwydd gwybod a fydd Mererid yn cyhoeddi ei chyfieithiad. Byddai hi’n ddifyr cael ei darllen hi rhwng cloriau.