Diwrnod 2 tymor y Garawys

Dwi newydd orffen darllen pennod 18 “Crist Iesu ein sancteiddrwydd” allan o lyfr R. Tudur Jones Yr Ysbryd Glân.

Meddai’r awdur, “Un o gyfraniadau gwerthfawr y Diwygiad Methodistaidd oedd pwysleisio pwysigrwydd cymundeb cyson â Christ fel amod tyfu mewn sancteiddrwydd — gwers a ddysgir yn fuan iawn wrth astudio emynau Williams Pantycelyn. Dyma arwyddocâd cariad at Grist yn y bywyd Cristionogol. Nid meistroli cyfres o ddeddfau moesol y mae Cristionogion er mwyn tyfu mewn daioni ond ymorffwys yng nghariad Crist a syllu ar ei berson.” (tt.80-81)

Buasai myfyrio’n iawn ar y gosodiad hwnnw yn unig yn ddigon mewn gwirionedd i lenwi fy meddwl dros holl dymor y Garawys.

Dywedodd Iesu, “Hyn yw bywyd tragwyddol: dy adnabod di, yr unig wir Dduw, a’r hwn a anfonaist ti, Iesu Grist.” (Ioan 17:3)

(1 yn pleidleisio, cyfartaledd: 5.00 allan o 5)

Rhannu hyn