Noswyl Nadolig ym Mrwsel

Noswyl Nadolig 2008-12-24

Dwi’n ofni i ddweud nad oes dim byd cyffrous iawn i’w adrodd am fy noswyl Nadolig ym Mrwsel eleni. Fe wnes i ddilyn y torfeydd i ganolfan siopa City2 ac i siop Fnac. Ond wrth edrych ar y prisoedd fy mod wedi cael tamaid o ofn. Roedd pethau oedd yn edrych yn rhesymol eu pris rhyw flwyddyn yn ôl yn ymddangos fel nwyddau afradlon bellach o gofio gwerth y bunt yn erbyn yr ewro. Yna cerdded yn ôl i ganol y ddinas trwy Nieuwstraat, prif stryd siopa Brwsel. Ac yno, yn agos at eglwys Onze-Lieve-Vrouw van de Finistère. Ar ochr arall y stryd, gyferbyn â mynediad yr eglwys, roedd un o aelodau Leger des Heils neu Fyddin yr Iachawdwriaeth yn casglu ar gyfer gofalu am bobl dros y Nadolig.

Wedi crwydro o gwmpas canol y ddinas am ychydig a stondinau ffair Nadolig y Winter Pret. Fe es i yn ôl i’r gwesty i baratoi ar gyfer yr ŵyl yfory. Fy mwriad yw mynd i’r gwasanaeth yn yr eglwys gadeiriol yn y bore. Ond yn wahanol i’r arfer dwi’n mynd i ddathlu’r Nadolig yn y dull Fflandrysaidd trwy gael pryd o fwyd heno. Dwi wedi prynu pwdin pwrpasol yn barod a dwi’n bwriadu cael pryd cario i ffwrdd oddi wrth un o’r siopau kebap lleol.

(Dim pleidlais eto)

Rhannu hyn