Cyfarfod gwleidyddol arall ym mwyty Ultracomida, Aberystwyth

Cyfarfod gwahanol iawn ei naws yr wythnos wedyn. Plaid Cymru oedd wedi trefnu unwaith eto, cangen Aberystwyth a Phenparcau y tro hwn. Ond roeddem ni’n cwrdd ym mwyty Ultracomida yn Aberystwyth. Y bwriad oedd ceisio codi arian ar gyfer gweithgaredd gwleidyddol trwy fwynhau. Ac fe wnes i fwynhau mas draw. Doedd y noson ddim yn un rhad, ond ar ôl y wledd roeddwn i’n teimlo fy mod wedi cael gwerth fy arian yn llwyr. Tapas i ddechrau – caws, cigoedd oer, corgimychiaid, crocetiau – yna paella cig, a phwdin i gloi. Dim rhyfedd fod y lle yn cael cofnod yn y Good food guide diweddaraf. Dyma’r tro cyntaf i mi fwyta yma gyda’r nos a byddaf yn ceisio galw yn ôl cyn gynted â phosib yn y flwyddyn newydd (os na fydda i wedi gwario gormod dros y Nadolig a’r Calan!).

Rhagor o luniau o’r noson.

(Dim pleidlais eto)

Rhannu hyn