Sul y Maer, Aberystwyth 2008

Roedd dydd Sul yn ddiwrnod arbennig yn Aberystwyth, sef Sul y Maer. Fel arfer bydd hyn yn digwydd fis Mai neu Fehefin, ond oherwydd ‘amgylchiadau’ roedd yn rhaid i’r dathliad gael ei ganslo. Yn y diwedd fe wnaeth y Cyng Sue Jones-Davies gael ei dewis i fod yn faer Aberystwyth am y flwyddyn 2008-09 ac felly cynhaliwyd y seremonïau sy’n gysylltiedig gyda chreu’r maer yn ddiweddarach na’r arfer.

Fore Sul roedd dwy seremoni yn digwydd. Yn gyntaf roedd gorymdaith ddinesig o Neuadd y Dref o gwmpas prif strydoedd Aberystwyth wedi’i harwain gan y Seindorf Arian ac yn cynnwys y maer, cynghorwyr a chynrychiolwyr o fudiadau a chymdeithasau’r dref.

Yna yn ail, yn dilyn yr orymdaith cynhaliwyd gwasanaeth byr i nodi fod y Cyng Sue Jones-Davies wedi derbyn y faeroliaeth. Cefais i’r fraint o arwain y gwasanaeth byr hwnnw a dweud gair. Cymerodd nifer o bobl eraill ran yn y gwasanaeth: darllenodd Rhian Mari Owen ddarn o’r ysgrythur, cafwyd datganiad ar y ffliwt gan Annie Morgan Jones, darllenodd Sue ei hun ddarn, ac fe ganodd Cantorion Aberystwyth. Aeth popeth yn iawn ac roedd yr holl beth yn deilwng iawn o’r achlysur.

Rhagor o luniau o Sul y Maer.

(Dim pleidlais eto)

Rhannu hyn