Coleg Caerwrangon, Rhydychen

Roedd y cyfarfod roeddwn ynddo yn cael ei gynnal mewn gwesty ar gyrion Rhydychen. Gwesty modern a chymharol newydd (neu o leiaf wedi’i adnewyddu) oedd hwn wedi’i adeiladu o gwmpas a chan addasu hen ysguboriau – felly roedd y lle yn drofa o goridorau ac ystafelloedd bychain. Yn y rhan o’r gwesty lle roeddwn i’n aros roedd yr holl ystafelloedd yn cario enwau colegau Prifysgol Rhydychen – fel mae’n digwydd roeddwn i’n aros yn ystafell Coleg Caerwrangon. Dwi ddim yn siŵr a oeddwn i wedi clywed sôn am y coleg cyn hyn. Ond o beth dwi’n deall bellach mae’n goleg hynafol, er na chafodd ei sefydlu yn ei ffurf bresennol tan 1714, ac yn alma mater i Adrian Hastings, Rupert Murdoch a Rusell T Davies ymhlith eraill.

Gorffennodd y cyfarfod am ryw 3.45pm ac roeddwn i ar y trên ar y ffordd yn ôl i Aberystwyth erbyn 17:06. Dwi’n falch o fedru dweud fod y daith yn ôl yr un mor hwylus a didrafferth â’r daeth yno. Da o beth oedd hynny i unrhyw un a fyddai wedi fy ngweld i wedi’r daith – petai wedi bod yn un wael buaswn i mewn tymer ddrwg; ond nid felly y bu.

Rhagor o luniau o’r daith i Rydychen.

(Dim pleidlais eto)

Rhannu hyn