Blog Dogfael

Rhaid ychwanegu un nodyn bach difyr am beth yw effaith hyn hyd yn oed heddiw. Bydd undebwyr llafur yn dathlu safiad plant ysgol Burston ar y Sul cyntaf ym mis Medi bob blwyddyn. Yn y 1990au cynhaliodd rheithor Burston ar y pryd wasanaeth i gyd-fynd gyda’r dathlu ac yn y gwasanaeth hwnnw fe ymddiheurodd am agwedd i ragflaenydd fel rheithor ac am yr anghyfiawnder a ddioddefodd teuluoedd y plant a fu ar streic fel rhan o’r weithred o gyffes. Mewn cyfarfod o’r cyngor plwyfol eglwysig yn dilyn hyn fe fynnodd dau aelod o’r cyngor hwnnw i gofnodi’r ffaith nad oedden nhw’n cytuno gyda’r hyn roedd y rheithor wedi’i wneud. Dyw hi ddim yn hawdd anghofio pethau fel ‘na.