Gwyliau yn Norwich 2008-08-18 (3)

Wedi setlo yn y llety roedd yn rhaid inni feddwl am swper. Y lle naturiol i droi oedd am y ddinas ac felly fe aethon ni i mewn i’r canol. Doedd hi ddim wedi nosi eto, ond roedd gyrwyr ceir yn dechrau cynnau eu goleuadau. Aethon ni mewn reit i ganol y ddinas ac fe gawsom ni swper mewn bwyty cadwyn Eidalaidd, Bella Italia, dafliad carreg o sgwâr y farchnad. Wedyn fe aethon ni am dro o gwmpas y sgwâr a’r hen strydoedd culion yno.

Wedyn daeth problem i’r amlwg. Doedden ni ddim yn rhy siŵr sut i ddychwelyd i’r Brifysgol. Roedd pethau’n edrych yn wahanol iawn yn y tywyllwch, ac fe gymerodd dipyn o amser inni ddod o hyd i’n ffordd yn ôl i’r llety. Ar y ffordd i Norwich roedd digon o arwyddion yn dangos y ffordd i’r Brifysgol, ond prin iawn oedden nhw o ganol y ddinas. Ond fe lwyddwyd yn y diwedd ac ar y ffordd dyma alw heibio i archfarchnad leol i brynu rhai angenrheidiau ar gyfer brecwast.

A dyna ddiwedd diwrnod cyntaf fy ngwyliau i yn Norwich.

(Dim pleidlais eto)

Rhannu hyn