Gwibdaith i’r Fro 2008-08-03 (8)

Roeddem ni wedi bwriadu galw heibio i Bethesda’r Fro a’r Bont-faen wedi cinio, ond roedd hi’n edrych fel petai’n mynd i fwrw glaw. Ond cyn gwneud dim o hynny roeddwn wedi addo mynd i lan y môr i ddangos pa mor agos oeddem ni i’r arfordir. Un o’m hoff lefydd i yw Aberddawan a’r ffordd gul i lawr yno trwy bentref bach Silstwn. Ni chawsom ein siomi, er ein bod yn mwynhau’r olygfa yng nghysgod hen bwerdy Aberddawan. Wrth inni grwydro yno roedd y cymylau’n tywyllu a’r glaw yn dechrau pigo.

Ond cyn troi yn ôl am Gaerdydd dyma fynd ymlaen i brif ddinas y Fro, sef y Bont-faen i weld y gofeb sydd yno i Iolo Morganwg. Petai’r tywydd wedi bod yn sych byddwn i’n bendant wedi mynnu fod y cyfeillion yn dod heibio i Egwys y Grog a’r hen Ysgol Ramadeg hefyd. Ond wrth inni gerdded ar hyd y stryd fawr am y plac sydd gyferbyn â Neuadd y Dref fe ddechreuodd fwrw’n drwm.

Er torri ein siwrnai yn fyr roedd pob un ohonom wedi mwynhau ein taith o gwmpas Bro Morgannwg.

(1 yn pleidleisio, cyfartaledd: 5.00 allan o 5)

Rhannu hyn