Blog Dogfael

Portiwgal. Du a gwyn, Portiwgaleg. Cymysgedd dda, ond ddim yn taro deuddeg.

Latfia. Môr ladron. Disco. Cymysgedd anhyfryd. Roedd mwy o siâp ar Barti Ddu nag ar y rhain. Dwi ddim yn rhy siŵr pam roedd y wlad am ei hannibyniaeth er mwyn gwneud hyn ar y llwyfan rhyngwladol. Efallai taw dyma’r gwaethaf hyd yn hyn.

Sweden. Na! Dewch yn ôl Abba, maddeuwyd popeth ichi.

Cân Denmarc, ond fe allai fod yn gân unrhyw le mewn gwirionedd. Dyw hi ddim yn ffôl ac mae’r gân yn swnio’n debyg i gân a allai ennill y gystadleuaeth.

Dyna siom yn Georgia. Mae ganddi draddodiad o gerddoriaeth cynganeddol ryfeddol ac maen nhw’n penderfynu rhoi hyn o’n blaenau.

Mwy o siom fyth yng nghân Wcráin. Dros y blynyddoedd maen nhw wedi bod yn dod â chynigion diddorol i’r gystadleuaeth. Ond beth yn y byd mawr yw hyn? Sbwriel!

(Dim pleidlais eto)

Rhannu hyn