Sanhedrin

Dwi newydd wrando ar Gwilym Owen yn adolygu’r wasg wythnosol ar raglen Post cyntaf BBC Radio Cymru ac mae un cwestiwn wedi codi yn fy meddwl: oes ‘na gymal yng nghytundeb Gwilym Owen gyda’r BBC sy’n golygu ei fod yn gorfod cynnwys y gair sanhedrin mewn pob cyfraniad? Mae’n ymddangos felly i mi gan ei fod wedi defnyddio’r gair unwaith eto y bore ‘ma. Efallai ei fod yn gwneud hynny fel rhan o gêm wyrdröedig gyda’i gyfeillion yn y byd darlledu. Ond diolch amdano, oherwydd mae’n debyg taw dim ond Gwilym Owen a’i ffans sy’n gwybod beth yw ystyr y gair erbyn hyn ac yntau yw’r unig un sy’n ei ddefnyddio’n gyson.

(2 yn pleidleisio, cyfartaledd: 3.00 allan o 5)

Rhannu hyn

2008-04-18 | Tagiau: BBC Radio Cymru, Gwilym Owen | Categorïau: Cyfryngau, Odrwydd, Personol | 2 sylw

2 sylw ar Sanhedrin

• Sian

  Ebrill 21st, 2008 at 19:43

  Un peth arall sy’n cael ei ddweud ar Y Post Cyntaf yn aml yw “…fel hyn”; er enghraifft: “Diolch yn fawr i chi am ddweud eich dweud ar fore Llun, fel hyn” neu “..ar fore Mawrth/Mercher/Iau/Gwener fel hyn”

  Hefyd dilynir ffug embaras ymhlith y cyflwynwyr gyda’r idiom Post Cyntafaidd yma: “Well i ni symyd ‘mla’n ‘wi’n credu”.
  Dywedwyd e bore ‘ma fel ymateb i’r honiad hynod embarasing fod dynion yn waeth wrth yrru ceir na gwragedd, wedi’r cyfan. Well i ni symud ‘ml’an ‘wi’n credu.

• Mair

  Ebrill 18th, 2008 at 10:20

  Mae ‘na ohebydd arall gyda Radio Cymru sy’n trafod ceir newydd o dro i dro a’r gair yn ei gytundeb ef gyda’r BBC i’w gynnwys mewn cyfraniadau, mi dybiaf, yw CABOLEDIG.

Trwyddeir Blog Dogfael o dan drwydded Creative Commons Attribution-Non-Commercial-Share Alike 2.0 UK: England & Wales License.
Gyrrir gan WordPress & thema Atahualpa Theme gan BytesForAll. Gellir trafod ar ein fforwm WP

Installed by SimpleScripts