Brwsel unwaith eto

Dim ond nodyn bach byr yw hwn i ddweud fy mod i ar fy ffordd i Frwsel y bore ‘ma. Dwi’n gadael Aberystwyth ar y trên 9:27am gan newid yng ngorsaf Birmingham Stryd Newydd a chyrraedd Llundain Euston erbyn 2:00pm. Wedyn mae’n rhaid inni ddisgwyl tan 4:35pm i’r trên Eurostar am Frwsel adael St Pancras Rhyngwladol. Erbyn hyn mae’n cymryd ychydig o dan dwy awr i deithio i Frwsel, felly fe fyddwn ni’n cyrraedd yno erbyn 7:30pm (amser Brwsel). Rydyn ni’n aros mewn gwesty heb fod yn bell o ganol y ddinas, yn agos i’r lle wnes i aros rhyw ddwy flynedd a hanner yn ôl – hanner ffordd rhwng gorsaf Brwsel Zuid a’r canol. Nid yw’n westy pum seren, ond dwi’n gobeithio y bydd yn ddigon cyfforddus i’r tri ohonom ni – finnau, RO a DML. Dwi ddim yn mynd â’m cyfrifiadur gyda mi y tro hwn, er mwyn osgoi gwneud unrhyw waith. Y cyfan dwi am ei wneud yw gorffwys ac ymgyfnerthu ar gyfer y frwydr etholiadol sydd o ‘m blaen i (ac o flaen RO). Does gen i ddim unrhyw beth dwi am ei wneud yn benodol, ond rydyn ni wedi cael gwahoddiad at ein ffrindiau yn Leuven am un noson, felly bydd yn rhaid mynd i fan ‘ny. Mae’n debyg y bydda i’n mynd i Wemmel a dyna ni. A dwi’n bwriadu darllen dau esboniad ar lyfr y Datguddiad er mwyn paratoi ar gyfres o bregethau dwi am eu traddodi dros y misoedd nesaf.

(6 yn pleidleisio, cyfartaledd: 2.33 allan o 5)

Rhannu hyn