Gwybod pwy yw fy ngwrthwynebwyr

Efallai yr hoffet ti wybod beth yw’r newyddion gwleidyddol diweddaraf o dref Aberystwyth. Mae’r enwebiadau wedi cau ar gyfer etholiadau’r Cyngor Tref a dwi’n gwybod nawr pwy fydd fy ngwrthwynebwyr yn yr etholiad ar 1 Mai 2008. Rydw i’n ymgyrchu ar y cyd gydag un ymgeisydd arall o Blaid Cymru yn erbyn pedwar ymgeisydd o blaid y Democratiaid Rhyddfrydol ac un ymgeisydd o’r blaid Geidwadol. Mae’n debyg y bydd hyn yn ddiddorol gan fy mod yn adnabod nifer o’r ymgeiswyr eraill ac felly bydd hi’n anodd bod yn rhy gas; er dwi’n siŵr y buasai rhai yn dweud ei bod hi’n weddol anodd bod yn or-gyfeillgar chwaith. Fy mwriad yw cadw’n dawel am ryw wythnos (tra ar fy ngwyliau ym Mrwsel) a gwneud sbloets fawr ar ôl dod yn ôl. Dwi’n gobeithio nad yw hyn yn swnio’n rhy debyg i strategaeth ymgyrch aflwyddiannus Rudy Giuliani i fod yn ymgeisydd y Gweriniaethwyr ar gyfer arlywyddiaeth y Taleithiau Unedig.

(1 yn pleidleisio, cyfartaledd: 1.00 allan o 5)

Rhannu hyn