Dydd y Pasg 2008

Wedi’r holl weithgaredd mae’n debyg y gallai Dydd y Pasg fod wedi bod ychydig yn fflat. Ond nid fel ‘na oedd hi o gwbwl. Bues i yn y gwasanaeth am 10.00am yn Eglwys y Santes Fair, Cymun teuluol. Roedd ‘na nifer go dda yno yn rhieni, plant ac eraill. Arweiniwyd y gwasanaeth gan y rheithor ac fe wnaeth e annerch ar bwysigrwydd bod yn rhan o’r gadwyn o dystion i atgyfodiad Iesu. Cyn gorffen fe wnaed un ddefod bwysig, sef cyflyno wy Pasg i holl blant a phobol ifanc yr Ysgol Sul. Wedi’r gwasanaeth roedd croeso i bawb aros am baned a sgwrs. Roedd ‘na ymwelwyr yn ogystal â selogion yn yr eglwys ac roedd hi’n dda cael gair gyda nhw.

Yn y prynhawn roedd y drefn ychydig yn wahanol i’r arfer er mwyn nodi’r ffaith ein bod yn cadw gŵyl. Yn lle ein gwasanaeth arferol am 6.00pm fe ddaethom ynghyd am de yn y prynhawn am 4.00pm ac yna ymlaen i’n gwasanaeth arbennig o ddarlleniadau a chaneuon, Mawl y Pasg. Siaradodd un o ddarllenwyr lleyg yr eglwys yn y gwasanaeth ar arwyddocâd rhwygo llen y Deml o’r top i’r gwaelod pan bu farw Iesu ar y groes. Yn awr, yn hytrach na chael ein cadw allan o bresenoldeb Duw, fel y bwriadwyd y llen i’w wneud, y mae Iesu wedi agor ffordd inni ddod at Dduw.

Rhagor o luniau o Ddydd y Pasg.

Rhagor o luniau o Nos Sul y Pasg.

(4 yn pleidleisio, cyfartaledd: 3.00 allan o 5)

Rhannu hyn