Blog Dogfael

Dwi’n falch o gael dweud fod Llywodraeth Cymru wedi derbyn fy nghais am wybodaeth yn ymwneud â phenderfyniad y Gweinidog Treftadaeth ar ariannu papur dyddiol Cymraeg. Bydd yn rhaid imi ddisgwyl tan ddechrau’r mis nesaf i gael ateb i’m cais gan fod gan adrannau’r Llywodraeth hyd at 20 diwrnod i chwilio am yr wybodaeth i ymateb i gais o’r fath. Wrth gwrs mae ‘na wybodaeth sydd yn esempt o dan y Ddeddf Rhyddid Gwybodaeth ac os yw’r wybodaeth dwi’n ei cheisio yn perthyn i’r dosbarth hwnnw bydd corff yn cael 20 diwrnod yn ychwanegol i ystyried a oes budd cyhoeddus yn deillio o gyhoeddi’r wybodaeth ai peidio.