Amgueddfa Llydaw… ond dim Llydaweg

Fel aelod o Gymdeithas yr Amgueddfeydd bydda i’n derbyn eu cylchgrawn misol Museums journal yn fisol, ond bob chwarter maen nhw’n cyhoeddi cylchgrawn arall, sef Museum practice. Mae’r ddau gylchgrawn yn dda iawn am adolygu arddangosfeydd ac amgueddfeydd newydd. Mae Museums journal ar y cyfan yn edrych ar yr hyn sy’n digwydd ym Mhrydain ac Iwerddon, ond mae Museum practice yn bwrw ei rwyd yn ehangach. Felly y mae gyda’r rhifyn diweddaraf, Gwanwyn 2008, a gyrhaeddodd heddiw. Un o’r prif erthyglau yw un am amgueddfa newydd Llydaw yn Roazhon (Rennes). Mae canolfan gelfyddydol newydd, Les champs libres, wedi’i hagor yn Roazhon ac ymhlith y sefydliadau mae cartref newydd Mirdi Breizh, neu Musée de Bretagne. Mewn erthygl sy’n ddigon canmoliaethus ar y cyfan, mae gan Helen Rees Lehay un paragraff trist iawn.

Wall texts are generally short and factual, primarily in French, with just a little English. (Breton is not an official language in France, and apart from one small exhibit devoted to its history and culture, is notable by its absence from the museum.) Longer and more layered information is available on nearby computers.

Fel ‘na gallai pethau fod wedi bod yng Nghymru oni bai bod rhai wedi mynnu fod pethau’n wahanol a bod y wladwriaeth Brydeinig, er gwaethaf ei dymuniad i fynnu teyrngarwch ac unffurfiaeth tebyg i Ffranic, wedi methu am amryw o resymau.

(2 yn pleidleisio, cyfartaledd: 5.00 allan o 5)

Rhannu hyn