Faint wyddost ti am Ddewi Sant?

Un o’r rowndiau yn y cwis nos Wener yn Nhal-y-bont oedd un ar Dewi Sant. Gan ei bod hi’n ddydd Gŵyl Dewi ddoe dwi am rannu’r cwis gyda chi. Mae’r atebion ar waelod y cofnod.

1. Pwy oedd tad Dewi?
2. Pwy oedd athro Dewi yr iachaodd yn wyrthiol o’i ddallineb?
3. Fe aeth Dewi ar bererindod i Rufain gan fynd â dau o’i gyfeillion yn gwmni. Enwch un o’r ddau.
4. Yn ôl traddodiad beth oedd hoff ddiod Dewi Sant – seidr, cwrw, neu ddŵr?
5. Beth oedd enw’r llecyn yn Nhyddewi lle cododd Dewi ei eglwys?
6. Ble cynhaliwyd y cyfarfod lle roedd Dewi yn pregethu ac y cododd y ddaear o dan ei draed?
7. Yn y synod honno yr oedd yn pregethu yn erbyn syniadau un gŵr yn benodol. Pwy oedd hwnnw?
8. Pwy a ysgrifennodd hanes bywyd neu fuchedd Dewi?
9. Fel arfer mewn darluniau caiff Dewi Sant ei ddangos yng nghwmni creadur, pa un?
10. Beth yw lliwiau baner Dewi Sant?

1. Sant, neu Sandde, Brenin Ceredigion; 2. Paulinus, neu Peulin; 3. Teilo a Padarn; 4. Dŵr; 5. Glyn Rhosyn; 6. Llandddewibrefi; 7. Pelagius, neu Morgan; 8. Rhigyfarch, 1057-1099; 9. Colomen; 10. Du a melyn (aur).

(Dim pleidlais eto)

Rhannu hyn

2008-03-02 | Tagiau: Dewi Sant | Categorïau: Cwis | 2 sylw

2 sylw ar Faint wyddost ti am Ddewi Sant?

• Dogfael

  Mawrth 4th, 2008 at 20:05

  8 allan o 10. Llongyfarchiadau mawr. Dim marc ychwanegol am Padarn dwi’n ofni, ond clod a bri yn dalpiau. Diolch am gymryd rhan yn y cwis, Sara.

• sara

  Mawrth 4th, 2008 at 12:59

  Pwy oedd tad Dewi?
  Brenin ceredigion?

  Pwy oedd athro Dewi yr iachaodd yn wyrthiol o’i ddallineb?
  Peilun

  Fe aeth Dewi ar bererindod i Rufain gan fynd â dau o’i gyfeillion yn gwmni. Enwch un o’r ddau.
  Teilo! (allai gal pwynt bonws am Badarn?)

  Yn ôl traddodiad beth oedd hoff ddiod Dewi Sant – seidr, cwrw, neu ddŵr?
  Dwr

  Beth oedd enw’r llecyn yn Nhyddewi lle cododd Dewi ei eglwys?
  Glyn Rhosyn

  Ble cynhaliwyd y cyfarfod lle roedd Dewi yn pregethu ac y cododd y ddaear o dan ei draed?
  Hen dy gwyn

  Yn y synod honno yr oedd yn pregethu yn erbyn syniadau un gŵr yn benodol. Pwy oedd hwnnw?
  ?

  Pwy a ysgrifennodd hanes bywyd neu fuchedd Dewi?
  Rhigyfarch

  Fel arfer mewn darluniau caiff Dewi Sant ei ddangos yng nghwmni creadur, pa un?
  Colomen wen

  Beth yw lliwiau baner Dewi Sant?
  Du a melyn

Trwyddeir Blog Dogfael o dan drwydded Creative Commons Attribution-Non-Commercial-Share Alike 2.0 UK: England & Wales License.
Gyrrir gan WordPress & thema Atahualpa Theme gan BytesForAll. Gellir trafod ar ein fforwm WP

Installed by SimpleScripts