Cwis Plaid Cymru yng nghlwb golff Capel Bangor

Dwi’n falch o ddweud nad oedd y penwythnos yn un rhy brysur. Roedd digon i’w wneud, ond roeddwn i’n teimlo fy mod â phopeth o dan reolaeth (bron â bod!). Nos Wener fe fues i mas yng Nghlwb Golff Capel Bangor, nid i chwarae golff, ond er mwyn bod yn gwis feistr mewn cwis wedi’i drefnu gan gangen Bro Dafydd o Blaid Cymru. Doeddwn i erioed wedi bod yng Nghlwb Golff Capel Bangor o’r blaen ond gan ei bod hi’n dywyll wrth inni gyrraedd ni chefais gyfle i weld rhyw lawer o’r wlad o gwmpas. Roedd yr adeilad ei hun yn drawiadol o fawr gydag un ystafell enfawr. Doedd dim angen ystafell cweit mor fawr i gynnal y noson, ond fe gafwyd amser da. Roedd ‘na ryw ugain wedi dod ynghyd ac fe ddywedodd pawb eu bod wedi mwynhau. Yn fy marn i roedd popeth wedi mynd yn iawn heblaw am y rownd gyntaf oll ar y newyddion. Roedd fy nisgwyliadau i yn llawer rhy uchel. Dwi’n gobeithio nad oedd wedi difetha gweddill y noson. Roeddwn i wedi cymryd diwrnod o wyliau ac am ryw reswm wedi bod yn chwilio’n llawer rhy fanwl ar wefannau newyddion y BBC, Western mail, Independent a’r Guardian. Does gan y rhan fwyaf ddim mo’r hamdden i wneud hynny – does gen i ddim fel arfer!

Rhagor o luniau o’r noson.

(Dim pleidlais eto)

Rhannu hyn