Blog Dogfael

Mae’n nos Fercher a dim ond heddiw dwi’n llwyddo i ddod i delerau gyda’r hyn wnes i ddydd Sadwrn. Yn fy mrwdfrydedd i glirio a glanhau fe wnes i glirio’r bwrdd coffi o’i lwyth llyfrau heb eu cofnodi. Felly nid yw’n bosib imi ysgrifennu fy nghofnod arferol o’r hyn y mae DML yn ei ddarllen. Felly ymddiheuriadau mawr i ffans yr hyn mae DML yn ei ddarllen. Erbyn imi gofio yr oedd hi’n rhy hwyr; yr unig lyfr oedd gen i yn fy llaw oedd nofel Meinir Pierce Jones, Lili dan yr eira. Dwi ddim wedi darllen y nofel fy hunan, ond mae’r crynodeb ohoni ar wefan Gwales yn darllen fel hyn: “Nofel am hen gartref sy’n llawn cyfrinachau. Stori afaelgar wedi’i lleoli yn Sir Fôn, yn ymwneud â phroblemau cymdeithasol a’r gymuned amaethyddol.” Beth yn fwy fyddai unrhyw un yn ei ddymuno – Sir Fôn a phroblemau cymdeithasol!

(Dim pleidlais eto)

Rhannu hyn