Blog Dogfael

Dim ond diwrnod neu ddau yn ôl fe glywsom ni fod pob un aelod seneddol y Democratiaid Rhyddfrydol yn cefnogi’r arweinydd, Menzies Campbell. Roedd hynny’n arwydd pendant nad oedd pethau’n dda iawn yn yr ardd. O fewn pedair awr ar hugain roedd Menzies Campbell wedi ymddiswyddo. Ffarwél felly i’r dyn oedd yn enwog yn fy ngolwg i am adfer yr yogh (sef y ‘z’ yn ei enw) i lygaid y cyhoedd. Ond peidied neb â digalonni fod pob diddordeb ieithyddol wedi diflannu o wleidyddiaeth gan fod un o’r rhai sy’n debygol o sefyll ar gyfer yr arweinyddiaeth, Nick Clegg, yn siarad Iseldireg yn rhugl. Tiwlip i bawb o bobl y byd!

Ffotograff gan bbcactii.

(Dim pleidlais eto)

Rhannu hyn