Blog Dogfael

Dwi’n ymwybodol iawn fod ‘na un peth nad ydw i wedi sôn amdano ar y blog hyd yn hyn a hynny yw ffurfio’r cabinet yn dilyn cytundeb clymblaid Llafur a Phlaid Cymru yn y Cynulliad Cenedlaethol. Byddai’n dda fod wedi gweld un aelod arall gan Blaid Cymru yn y cabinet, ond dwi’n ofni fod un apwyntiad yn fwy na’r un arall wedi mynd â fy sylw. Dwi’n siŵr nad yw’n syndod pan ddyweda i taw apwyntiad Elin Jones AC fel Gweinidog Materion Gwledig yw hwnnw. Rwy’n hynod o falch drosti hi’n bersonol, ond dwi hefyd yn credu y bydd hi’n llais dilys dros gefn gwlad yn y cabinet. Dwi ddim yn disgwyl i bethau fod yn hawdd; dwi ddim yn disgwyl i ffermwyr fod yn hapus, ond efallai y byddan nhw ychydig bach yn llai blin na’r arfer! Llongyfarchiadau unwaith eto.

(Dim pleidlais eto)

Rhannu hyn