Henffych Ieuan!

Does dim yn rhyfeddach na bywyd go iawn. Gallwch chi ddychmygu beth all ddigwydd ond wnewch chi byth llwyddo i ragweld popeth sy’n digwydd. Pedair blynedd yn ôl fe ymddiswyddodd Ieuan Wyn Jones fel arweinydd Plaid Cymru; dros y penwythnos fe bleidleisiodd ei blaid dros fynd i lywodraeth glymblaid gyda Llafur oedd yn cadarnhau ei safle fel dirprwy brif weinidog yn hytrach na’r prif weinidog y gallai fod wedi bod o ddewis clymblaid yr enfys. Ond heno, gyda Rhodri Morgan druan yn sâl, dyma ni ar drothwy cyfnod pan fydd Ieuan Wyn Jones yn rhedeg Cymru gyda bendith y frenhines! Ond yw bywyd yn rhyfedd. Does dim angen mynd yn ôl yn bell iawn pan roedd tipyn o anniddigrwydd ymhlith aelodau ei blaid ei hun gyda’i berfformiad yn y Cynulliad Cenedlaethol a nawr fe lwyddodd i sicrhau pleidlais o 92% o blaid clymblaid a allai fod wedi bod yn amhoblogaidd iawn petai heb wneud a dweud y pethau iawn. Llongyfarchiadau!

(1 yn pleidleisio, cyfartaledd: 5.00 allan o 5)

Rhannu hyn