Clymblaid?

Wedi’r holl disgwyl mae’n edrych yn debygol y bydd Plaid Cymru yn ffurfio llywodraeth gyda Llafur yn y Cynulliad Cenedlaethol. Does dim pwynt imi guddio fy siom gyda’r penderfyniad hyn yn hytrach na dewis yr enfys. Ond does dim pwynt chwaith i mi ac eraill geisio gwyrdroi y penderfyniad os dyna oedd dymuniad y mwyafrif. Ni fyddai’n synhwyrol i orfodi rhywbeth ar gorff sydd wedi dewis dyfodol arall iddo’i hun a’n gwneud ni yn rhyw ail Lib Demiaid. Mae’r ffaith eu bod nhw wedi dewis bod yn bartner llai yn hytrach nag arwain yn fy siomi yn arbennig. Ond nawr dwi’n edrych ymlaen i weld y ddogfen sydd yn sail i’r cytundeb gan obeithio ei bod yn cynnig y pethau hynny sydd eu hangen ar Gymru gyfan, ac yn arbennig felly y meini hynny sydd eu hangen arnom i adeiladu cenedl. Oherwydd y pris mae cynnal refferendwm ar bwerau deddfu llawn i’r Cynulliad Cenedlaethol yn bwysicach i mi nawr, ac mae gallu Llafur i ddelifro hynny mewn partneriaeth gyda Phlaid Cymru yn hanfodol. Dwi’n eithaf sgeptigol am hyn fy hunan hefyd oherwydd y peth gwaethaf a allai ddigwydd yw cynnal y refferendwm a cholli. Dwi’n cofio 1979 ac fe allai fod yn ergyd debyg gan rewi unrhyw gynnydd am flynyddoedd a blynyddoedd. Wrth fynd i lywodraeth gyda Llafur mae hynny’n gadael i’r Toriaid fod yn wrthblaid hefyd, a dwi ddim yn edrych ymlaen i hynny chwaith.

(Dim pleidlais eto)

Rhannu hyn