Ffansi sedd yn y cabinet?

Os oes gen ti’r dalent mae ‘na le i ti yn y cabinet – ai dyna’r neges, ai dyna fydd ffordd Gordon Brown o wneud pethau? Neu’n hytrach, ai Llafur sy’n ceisio cael eu hunain i sefyllfa lle allan nhw gadw rheolaeth o ryw fath, os nad rheolaeth lwyr, yn Llundain a Chaerdydd ac efallai hyd yn oed ail afael yng Nghaeredin yw? Yn bendant wrth gynnig lle yn y cabinet i Paddy Ashdown mae Brown wedi rhoi ei imprimatur ar glymbleidio gyda’r Dem Rhyddiaid. ac felly nid yw’n syndod clywed fod aelodau seneddol Llafur o Gymru yn dweud wrth Rhodri Morgan i fynd i glymblaid gyda’r Dem Rhyddiaid yn y Cynulliad Cenedlaethol a pheidio â gwneud dim gyda Phlaid Cymru. I mi mae’n ddiddorol iawn fod Rhodri Morgan yn mynd i Lundain yn gyson i gael gwybod beth ddylai wneud! O safbwynt Plaid Cymru mae’n ymddangos y gallen nhw fod heb ddim ar ddiwedd y dydd. Er y gallai hyn olygu y byddai’r Dem Rhyddiaid mewn llywodraeth dwi’n credu y bydd eu holl fanŵfrio (ynteu, igam-ogamu) gwleidyddol yn ddrwg i Dem Rhyddiaid yn y diwedd. Dwi ddim yn siŵr faint o les fydd i Blaid Cymru chwaith. A’r Torïaid? Does neb am wneud dim byd gyda nhw o hyd, dim ond pan mae’n fater o raid. Diolch byth bod rhai pethau mewn bywyd yn aros yr un fath.

(Dim pleidlais eto)

Rhannu hyn