Llyfr y flwyddyn 2007

Diolch i bob un ohonoch chi (17 i gyd, ond rhai yn pleidleisio fwy nag unwaith) a bleidleisiodd ar bwnc Llyfr y flwyddyn. Dyma’r canlyniadau.
Dygwyl eneidiau – 2
Ffydd, gobaith, cariad – 7
Un bywyd o blith nifer – 10
Felly cofiant Robin Chapman i Saunders Lewis sydd wedi ennill y bleidlais ar Flog Dogfael. Tybed a fydd beirniaid swyddogol y gystadleuaeth yn cytuno gyda hynny? Cawn weld y mis nesaf.

Efallai eich bod wedi sylwi yn barod fy mod yn holi’r cwestiwn newydd heddiw. Mae hwn yn un tyngedfennol ynglŷn â pha ddiwrnod yw hoff ddiwrnod darllenwyr Blog Dogfael. Felly beth am fynd ati i bleidleisio a sicrhau fod eich hoff ddiwrnod chi yn ennill. I’r rhai ohonoch chi sy’n methu’n deg â phenderfynu rhwng un diwrnod â’r llall gallwch bleidleisio am y saith os ydych chi am wneud. Bydda i’n cyhoeddi’r canlyniadau pan fydd y pleidleisio yn cau ymhen wythnos.

Rhannu hyn