Beth mae DML yn ei ddarllen 2007-05-19

Mae’r bwrdd coffi yn dechrau gwegian unwaith eto o dan ddetholiad difyr a gwahanol o lyfrau. Mae un neu ddau o’r hen gyfrolau yn dal i fod yn rhyw hongian o gwmpas yn disgwyl i rywbeth ddigwydd iddyn nhw, ond mae ‘na hefyd rai cyfrolau newydd a diddorol. Credaf fod A E Housman yno fel atgof o’n gwibdaith i Henffordd a Chaerwrangon; dychwelodd Valentine ar gyfer ei adolygu; ac mae ‘na resymau dros bresenoldeb y gweddill hefyd, ond pwy sydd am wybod beth yw’r rhesymau mae pawb dwi’n eu hadnabod jyst am wybod beth yw’r llyfrau.

• Caryl Lewis, Y gemydd (Y Lolfa, 2007)
• Jordi Coca, Under the dust (Parthian, 2007)
• The collected poems of A E Housman (Jonathan Cape, 1948)
• John Roberts, Yr helygen gam (Y Bwthyn, 2007)
• Arwel Vittle, Valentine: cofiant i Lewis Valentine (Y Lolfa, 2006)
• Gwyn Thomas, Teyrnas y tywyllwch (Barddas, 2007)
• Richard Vinen, The unfree French: life under the occupation (Penguin Books, 2007)

Rhannu hyn