Blog Dogfael

Neithiwr fe fues i mas gyda chydweithwyr am ddiod wedi’r gwaith yn nhafarn Varsity. Dim ond am ryw awr roeddwn i wedi meddwl aros ond yn y diwedd roedd rhai ohonon ni yno nes bod hi wedi naw o’r gloch. Roedd yn rhaid imi fynd adref wedyn achos roeddwn i wedi addo gorffen ysgrifennu erthygl ar gyfer Y llan, papur newydd yr Eglwys yng Nghymru. Pam wnes i aros cyhyd? Oherwydd y cwmn difyr, wrth gwrs, ac am fod gen i gynulleidfa yn barod i wrando ar fy hanesion am y peth hyn a’r peth arall. Ond fe droes y noson i mewn i ryw fath o seminar hyfforddiant ar sut i ddefnyddio eBay i werthu a phrynu. Mae Dr HW wedi bod yn sôn llawer am y bargeinion sydd i’w cael ar eBay, a dwi wedi cofrestru o’r diwedd i fod yn brynwr ac yn werthwr ar y wefan. Roedd BL yn dweud wrthon ni neithiwr sut i deilwra disgrifiad er mwyn cael cwsmeriaid. Mae hi’n hen law ar y gwaith. Byddaf fi’n dweud wrth y blog os ydw i’n llwyddiannus.

Rhagor o luniau o’r noson mas.

Rhannu hyn