Mas nos Wener 2007-01-19

Mae mynd i ffwrdd am dair wythnos o wyliau yn bleser pur, ond nawr wedi dod yn ôl dwi’n ofni bod cymaint o bethau wedi bod yn disgwyl amdanaf fel nad ydw i wedi cael cyfle i droi at y blog o gwbwl. Ond mae pethau yn wahanol bellach. Roedd yn rhaid imi sôn am nos Wener diwethaf pan aeth criw ohonon ni mas i fwyty Gannets yng nghwmni Angharad Tomos. Roedd hi ar ei ffordd i lawr i gynhadledd yn Sir Benfro ar y Sadwrn a’r Sul wedi’i threfnu gan Academi. Roedd hi, RAJ a DJP yn mynd yno. Ond nos Wener yr oedd hi’n aros yn Aberystwyth ac felly cyfle inni fynd mas. Cafwyd noson ddifyr iawn gydag Angharad yn adrodd ambell i stori ddiddorol. Cefais i ddarn o benfras fel fy mhrif gwrs ac roedd yn flasus iawn.

Rhagor o luniau o’r swper nos Wener.

Rhannu hyn