Fy mhryd o fwyd cyntaf, 2006-12-21

Rhan o’r rheswm dros aros lle’r ydw i ym Mrwsel yw fy mod yn medru coginio gyda’r nos a felly gwneud i’r arian fynd damaid bach yn bellach. Felly dwi’n teimlo’n falch iawn fy mod wedi gwneud fy mhryd cyntaf o fwyd gan ddefnyddio’r adnoddau cymharol gyfyng sydd yma. Gwnes i ddim anelu’n uchel iawn, rhyw ragu bach syml gyda rigantoni, ond fe weithiodd yn iawn ac mae gen i ddigon ar gyfer nos yfory ac efallai nos Sadwrn. Bydda i’n bwyta mas amser cinio, ond dwi’n bwriadu dod adref bob nos i gael swper felly mae’n dda medru gwneud rhywbeth fydd yn gwneud am ychydig ddyddiau. Y pryd nesaf dwi’n meddwl ei wneud yw cawl ffacbys.

Dyma’r pryd cyntaf imi ei goginio yn y fflat. Sylwch fy mod yn yfed Spa coch gyda’r pryd, sef dŵr Spa gyda ychydig o nwy ynddo. I orffen fe gefais gwpanaid o goffi gyda chacen fach ’seren’ a banana.

Rhannu hyn

2006-12-22 | Tagiau: Blog Brwsel | Categorïau: Uncategorized | 2 sylw

2 sylw ar Fy mhryd o fwyd cyntaf, 2006-12-21

• Dogfael

  Rhagfyr 23rd, 2006 at 10:09

  Bues i’n siopa mean siop Delhaize. Ni welais i ddŵr o Gymru ar werth yno, ond byddaf yn cael golwg eto rhag ofn imi fethu rhywbeth.

• Huw Waters

  Rhagfyr 22nd, 2006 at 15:24

  Ble ydych chi’n mynd i siopa?

  Pan yr oeddwn yn Brwsel haf dwytha, es i, i Robs dwi’n meddwl sef archfarchnad. Roedd yn wahanol iawn i unrhyw Tesco. Archfarchnad gyda naws delicatessen.

  Er fawr syndod i mi, roedd y silffoedd gyda dŵr potel yn llond rhai Cymreig fel Ty Nant, Llan Llyr, Tau a Decantae (cael ei fotelu ddim yn bell o fi!) er yr oedd disgwyl i Evian a Vittel fod yn fwy blaengar.

Trwyddeir Blog Dogfael o dan drwydded Creative Commons Attribution-Non-Commercial-Share Alike 2.0 UK: England & Wales License.
Gyrrir gan WordPress & thema Atahualpa Theme gan BytesForAll. Gellir trafod ar ein fforwm WP

Installed by SimpleScripts