Cinio dydd Sadwrn

Wedi’r holl bensaernïaeth a hanes roeddwn i’n barod am ginio. Felly dyma fynd ar y bws yn ôl i fyny’r Filltir Frenhinol i Hunter Square ac i fwyty Creelers. Dyma le sydd wedi cael ei ganmol tipyn dros y blynyddoedd yn ôl a ddeallaf i. Mae’r lle yn eiddo i gyn-bysgotwr a’i wraig sy’n rhedeg busnes allforio bwyd môr ffres o’r Alban a dau fwyty yn cynnig amrywiaeth o ryseitiau bwyd môr – mae’r bwyty arall ar ynys Arran. Roedd hi’n syniad da mynd amser cinon gan bod y fwydlen yn edrych ychydig yn fwy cymhedrol o ran pris na’r un nos! Roedd y lle yn wych o ran bwyd a gwasanaeth. Fe wnes i fodloni ar ddechreuydd a phrif gwrs. Fel dechreuydd cefais bate pysgod gyda bara ceirch, ac fel prif gwrs fe gefais stiw pysgod gyda salad. Roedd y blasau yn anhygoel wrth iddyn nhw ddawnsio a champo ar fy nhafod. Hyfryd iawn.

Rhannu hyn