Blog Dogfael

Efallai na wnes i gyrraedd o fewn i ddrysau Tŷ Dduw y bore ‘ny, ond fe fues i’n agos iawn i Deml Mamon, neu’r Buchanan Galleries, fel mae’n cael ei galw yn Glasgow. Wedi troi yn ôl o fy siwrnai seithug i Eglwys S. Silas, dyma neidio ar y trên yng ngorsaf Charing Cross a chyrraedd gorsaf Queen Street o fewn dim o amser a chrwydro’n hamddenol tuag at y Galleries gyda’u degau o siopau cadwyn tebyg i bob canolfan siopa arall ym Mhrydain. Ni sylwais ar unrhyw siop oedd yn wahanol yno.

Ond doeddwn i ddim yn bwriadu aros yn hir ‘ta beth oherwydd yr oeddwn i wedi penderfynu na fuaswn yn mynd i New Lanark nac i weld Senedd yr Alban wedi’r cyfan. Wrth gyrraedd y gwesty nos Sadwrn fe ddarllenais fod oriel ac amgueddfa Kelvingrove wedi ail-agor ar ôl bod ar gau am dair blynedd y dydd Mawrth cynt. Dyma gyfle yr oedd yn rhaid manteisio arno. Roeddwn wedi dod mewn i’r canol er mwyn mynd ar y metro i Kelvingrove.

Rhannu hyn