Bant i Glasgow

Dwi mynd i Glasgow heddiw. Dwi’n gobeithio (yn erbyn gobaith) cael taith dda ar Trenau Arriva Cymru a chyrraedd Glasgow cyn iddi nosi heno. Bydd Glasgow yn llawn, oherwydd mae cynhadledd yr European Renal Association yn cael ei chynnal yno. Bydd hyn yn golygu rhyw 4,000-6,000 o ymwelwyr yn fwy na’r arfer! Dwi’n edrych ‘mlaen i weld y cwmni fydd yno i siarad gyda nhw. Dwi ddim yn rhy siŵr beth dwi am ei wneud yfory. Dwi’n ffansio mynd i Gaeredin am y dydd i weld Senedd yr Alban, er dwi’n gwybod bod digon i’w wneud yn Glasgow a’r cyffiniau. Pan fues i yn Glasgow rhyw bedair blynedd yn ôl fe es i New Lanark yn y glaw, os yw’r tywydd i fod yn hyfryd fel maen nhw’n ei addo efallai ei bod yn syniad gweld y lle a’r haul yn disgleirio.

Rhannu hyn

2006-07-15 | Categorïau: Teithio | 2 sylw

2 sylw ar Bant i Glasgow

• Dogfael

  Gorffennaf 18th, 2006 at 12:58

  Yn y pendraw wnes i ddim ymweld â New Lanark. Yn hytrach fe dreuliais y rhan fwyaf o ddydd Sul yn crwydro o gwmpas amgueddfa ac oriel Kelvingrove – prif amgueddfa ac oriel dinas Glasgow. Roedd y lle wedi bod ar gau am dair blynedd er mwyn ei adnewyddu. Dim ond rhyw bedwar diwrnod yn gynt roedd y lle wedi agor ac roedd e’n dan ei sang! Fe dynnais toreth o luniau ac fe fyddaf yn eu rhannu gyda chi pan fyddaf yn dod ‘nôl nos yfory (nos Fercher). Mae amgueddfa Kelvingrove yn werth ymweld â hi.

• Emyr

  Gorffennaf 15th, 2006 at 21:52

  Difyr iawn, fel arfer.

  Dim son mai Cymro oedd Robert Owen ar wefan New Lanark, hyd y gwela’ i.

  Neu ai fi sy’n gul?

Trwyddeir Blog Dogfael o dan drwydded Creative Commons Attribution-Non-Commercial-Share Alike 2.0 UK: England & Wales License.
Gyrrir gan WordPress & thema Atahualpa Theme gan BytesForAll. Gellir trafod ar ein fforwm WP

Installed by SimpleScripts